Türkiyə növbədənkənar prezident seçkisinə gedir

Türkiyə növbədənkənar prezident seçkisinə gedir

18-04-2018 18:40 / Bu xəbər 2465 dəfə oxundu

Türkiyədə prezident seçkisi iyunun 24-də keçiriləcək. 

Yəni seçki bir ildən də çox qabağa çəkilir.

Türkiyə prezidenti Recep Tayyip Erdogan aprelin 18-də deyib ki, ölkəyə təcili olaraq prezident üsul-idarəsinə keçmək lazımdır.

Türkiyədə parlament və prezident seçkiləri 2019-cu ilin noyabrına planlaşdırılırdı.

Erdogan deyib ki, millətçi MHP partiyasının lideri Devlet Bahceli ilə danışandan sonra belə bir qərar verib. 

Baxçəli aprelin 17-də erkən seçki ideyasını ortaya atmışdı.

Seçkidən sonra Türkiyə parlament sistemindən prezident üsul-idarəsinə keçəcək və prezidentin səlahiyyətləri genişləndiriləcək.

Konstitusiyaya dəyişikliklər 2017-ci il 16 aprel referendumunda təsdiqlənib.///azadliq.org